'അപ്പോള്‍ പത്രോസ്‌ അവനോടു പറഞ്ഞു. എല്ലാവരും നിന്നില്‍ ഇടറിയാലും ഞാന്‍ ഇടറുകയില്ല.'
മത്തായി 26 : 33

'ഞാന്‍ ഇടറുകയില്ല' എന്ന ആത്മ പ്രശംസയുടെ വാക്കുകൾ പത്രോസിൽ നിന്നുവരാനുള്ള കാരണം എന്തായിരിക്കാം?

-സ്വന്തം കഴിവിലും ഉറയിലെ വാളിലുമുള്ള അമിത ആത്മവിശ്വാസം.

- യേശുവിനെ തള്ളിപ്പറയേണ്ടിവരുന്ന ഏതു പ്രലോഭനത്തെയും
   ജയിക്കുവാൻ തക്കവണ്ണം യേശുവിനെ താൻ
    സ്നേഹിക്കുന്നുവെന്ന് വെളിപ്പെടുത്തുവാനുള്ള ശ്രമം.

- യേശുവിന്റെ സുരക്ഷിതത്വം ഉറപ്പാക്കേണ്ടത് തന്റെ  വ്യക്തിപരമായ  കടമയാണെന്നും അതിനുള്ള കഴിവ് തനിക്കുണ്ടെന്നുമുള്ള  മിഥ്യാധാരണ.

-സ്വന്തം പാപാവസ്ഥയുടേയും ബലഹീനതയുടേയും ആഴം
  അറിയായ്മ.

സ്വന്തം  നേട്ടങ്ങളിലും അധികാരശക്തിയിലുമുള്ള അമിത വിശ്വാസവും, പരിമിതികളെപറ്റിയുള്ള അറിവില്ലായ്മയുമാണ് അനേകരുടെ ദാരുണമായ അധഃപതനത്തിനുള്ള കാരണം.

'ആകയാൽ താൻ  നില്ക്കുന്നു എന്നു തോന്നുന്നവൻ വീഴാതിരിപ്പാൻ നോക്കിക്കൊള്ളട്ടെ.' 1 കൊരിന്ത്യർ 10:12

ശുഭാശംസകളോടെ,
ഏ. പി. ജോർജച്ചൻ.